IL-KWESTJONARJU VARK

L-aħjar mod kif nitgħallem

Maqlub għall-Malti minn David Muscat

Agħżel it-tweġiba li tgħodd l-aktar għalik. Tista’ tagħżel aktar minn tweġiba waħda jekk taħseb li hemm aktar minn tweġiba waħda li tgħodd għalik. Jekk l-ebda tweġiba ma tolqtok, timmarka xejn.

Minbarra l-prezz, lejn xiex tħares meta tiġi biex tixtri ktieb ġdid? Lejn:

L-istorja jew is-suġġett li jittratta?

Dak li jkun qallek xi ħabib fuqu?

L-impressjoni li jagħtik x’ħin taqra xi erba’ paġni minnu?

Kemm ikun jidher sabiħ minn barra?

Se ssajjar ikla speċjali lil tal-familja. X’tagħmel?

Tfittex riċetta tajba fi ktieb tar-riċetti li ġieli użajt?

Tistaqsi lil xi ħadd jagħtik parir x’għandek issajjar?

Issajjar xi ħaġa li taf issajjar bla ma ssegwi l-ebda struzzjonijiet?

Tqalleb fil-ktieb tar-riċetti biex tieħu xi ideat mill-istampi?

Għadek kif għamilt test jew eżami. Kif tixtieq li jasallek ir-riżultat?

Fuq karta stampata?

Bil-fomm?

Bħala lista, b’eżempji meħudin minn xogħlok?

F’forma ta’ graffijiet u tabelli?

Int jogħġbuk is-siti elettroniċi li:

Iħalluk iċċaqlaq l-affarijiet u tilgħab bihom kif jogħġbok?

Ikunu kollha stampi u disinji sbieħ?

Ikunu mimlija deskrizzjonijiet, listi u informazzjoni?

Ikollhom il-mużika għaddejja jew ikunu mqabbdin ma’ xi radju jew li jsemmgħulek xi intervisti jew diskursati?

Qed tinqeda bi ktieb jew CD jew sit elettroniku biex titgħallem tieħu r-ritratti bil-kamera diġitali l-ġdida tiegħek. X’tixtieq li jkollok fil-manwal?

Ħolqa għal xi sit elettroniku fejn tkun tista’ tistaqsi tagħrif fuq il-kamera u kif taħdem?

Eżempji ta’ ritratti meħudin sew u oħrajn le, u turija kif tuża l-kamera biex tiġbed l-aħjar ritratti?

Dijagrammi ta’ kull parti tal-kamera u kif dawn il-partijiet jaħdmu?

Struzzjonijiet ċari, b’listi u b’punti biex timxi magħhom pass pass int u tħaddem il-kamera?

Min jogħġbok l-aktar? Għalliema jew preżentaturi li jinqdew:

Bid-disinji, iċ-ċarts u l-graffijiet?

Bil-kotba, bil-karti tagħrif u bis-siltiet għall-qari?

Bil-wirjiet, bil-mudelli, u bis-sessjonijiet prattiċi?

Bil-mistoqsijiet u t-tweġibiet, it-taħditiet, id-diskussjonijiet fi gruppi u l-laqgħat ma’ kelliema distinti?

Se tagħti taħdita importanti waqt seminar jew f’xi okkażjoni speċjali. Biex tinqeda biex tagħti l-fehmiet tiegħek?

B’taħdita miktuba u moqrija għal bosta drabi minn qabel?

B’dijagrammi, stampi u graffijiet?

B’għadd ta’ eżempji prattiċi mill-ħajja ta’ kuljum u stejjer reali?

B’lista ta’ kliem ewlieni mħejji minnqabel li jfakkrek x’għandek tgħid?

Ipprova ftakar mument f’ħajtek li fih tgħallimt tagħmel xi ħaġa ġdida. Tagħżilx xi ħila fiżika, ngħidu aħna kif issuq rota. Int titgħallem l-aktar billi:

Tara lil xi ħadd jagħmel dik il-ħaġa?

Timxi ma’struzzjonijiet stampati jew miktuba, bħal ma jkun hemm fil-manwali?

Tħares lejn stampi, dijagrammi u ċarts?

Issegwi l-ispjegazzjonijiet li jingħatawlek bil-fomm u tistaqsi l-mistoqsijiet?

Tqabbadt tagħti tagħrif lil grupp ta’ turisti dwar ir-riservi jew il-parks naturali ta’ pajjiżek. X’tagħmel?

Teħodhom iżuru riserva jew park naturali?

Tagħtihom fuljetti jew kotba fuq ir-riservi jew il-parks naturali?

Tagħtihom taħdita jew tqabbad lil xi ħadd ikellimhom fuq ir-riservi jew il-parks naturali?

Turihom xi stampi, ritratti, kartolini u kartelluni?

Se tixtri mowbajl ġdid jew kamera diġitali. Minbarra l-prezz, xi tqis l-aktar qabel tagħżel x’se tixtri?

Id-dehra sabiħa u moderna ta’ l-apparat?

It-tagħrif li taqra fuq l-apparat?

Kif jaħdem l-apparat x’ħin tippruvah jew tarah jaħdem?

It-tagħrif li jagħtik il-bejjiegħ fuq l-apparat?

Se titgħallem kif tħaddem programm ġdid jew tilgħab logħba tal-kompjuter. X’tagħmel?

Iċċempel jew tkellem lil xi ħadd li jaf iħaddem il-programm jew il-logħba?

Taqbad il-programm jew il-logħba u tibda tesperimenta u tipprova?

Issegwi pass pass l-istampi li jkun hemm fil-manwal li jingħata mal-programm jew mal-logħba?

Taqra l-istruzzjonijiet li jkun hemm fil-manwal li jingħata mal-programm jew mal-logħba?

A website għandha video juri kif jagħmlu graff speċjali. Hemm persuna taħdit, xi listi u kliem li jiddeskrivu x'għandek tagħmel u xi dijagrammi. Inti titgħallem aktar minn:

nisma

jaraw il-dijagrammi.

jaraw l-azzjonijiet.

qari l-kliem.

Qiegħed f’restorant u se tiddeċiedi x’se tiekol? X’tagħmel?

Tagħżel xi platt li tkun diġà kilt darba oħra?

Tara x’qed jiekol ħaddieħor jew tifli l-istampi ta’ l-ikel?

Tagħżel dak li jolqtok l-aktar fil-menù?

Tara x’parir jagħtik il-wejter jew x’jissuġġerixxu ħbiebek?

Għadek kif irċevejt kopja tal-programm ta’ safra li se tagħmel ma’ ħbiebek. Tixtieq tkun taf ħbiebek x’jaħsbu fuq il-programm. X’tagħmel?

Tibagħtilhom kopja tal-programm?

Tinqeda b’mappa tad-dinja jew b’sit elettroniku biex turihom il-postijiet li se żżuru?

L-ewwel darba li tiltaqgħu, tiddeskrivilhom fuq fuq il-programm?

Iċċemplilhom jew tessemmesjahom jew tiktbilhom ittra elettronika ?

Tixtieq turi lil xi ħadd it-triq għall-ajruport jew kif jasal fil-qalba tar-raħal fejn toqgħod jew kif imur lura l-lukanda. X’tagħmel?

Twasslu sal-post fejn ikun jixtieq imur?

Tiktiblu kif għandu jasal bla ma tagħtih mappa?

Tpinġilu t-triq fuq karta jew tagħtih mappa?

Tgħidlu kif għandu jasal?

Qed tuġgħek irkobbtok. Kif tkun tixtieq li t-tabib jispjegalek x’għandek? Billi:

Jinqeda b’mudell tal-plastik ta’ l-irkobba biex jurik x’għandek?

Jgħidlek kif u minn fejn ġej l-uġigħ?

Jagħtik ktieb fuq l-irkobbtejn jew sit elettroniku fejn tista’ ssib it-tagħrif kollu li teħtieġ?

Jinqeda b’disinn biex jurik x’għandek?

Language:

L-aħjar mod kif nitgħallem