The VARK Questionnaire

Translated by Na Leon Blake, Te Tohu Pokairua Reo Maori, Te Wananga o Aotearoa ki Papa-i-oea, 142 Botanical Road, Palmerston North

Whiriwhiria te whakautu e tohu pū ana i tō manakohanga, ā, porowhitahia te pū kei tōna taha. Ehara i te mea me kotahi noa iho tō whakautu ki ia rerenga. Mena he maha ake ngā whakautu i te mea kotahi e hāngai ana ki tāu e whakaaro ai, tēnā porowhitahia hoki ko ērā. Waiho noa ake ngā pātai kāore e hāngai ana ki a koe.

He paetukutuku he ataata e whakaatu ana ki te hanga i te kauwhata motuhake. He he tangata korero, etahi rārangi, me nga kupu whakaahua te mea ki te mahi, me etahi ngā hoahoa. E ako koe te nuinga i:

te tai'oraa i te mau parau.

e kitenga o nga hoahoa.

whakarongo

matakitaki ai i te mahi.

E whakarite ana koe i tētahi hararei mā tētahi rōpū. He hiahia ōu kia urupare mai rātau ki ō whakaritenga. Ko tāu he:

hoatu ki a rātau tētahi kape o te hōtaka.

whakamārama i ētahi o ngā wāhanga whakamiramira.

patu waea atu rānei, he tuku pātuhi rānei, he tuku īmera rānei ki a rātau.

whakamahi i tētahi mahere, i tētahi tūranga ipurangi rānei e whakaatu ana i ngā wāhi e haere nā rātau.

E tao ana koe i tētahi kai hei whakarangatira i tō whānau. Ko tāu he:

tono i ngā whakaaro o ō hoa.

tiki i te pukapuka tunu kai e mōhio nā koe he tohutaka pai o roto.

tunu i te kai e mātau ana koe ki te tunu kāore he take o te whai tohutohu.

wherawhera i te pukapuka tunu kai ki te rapu whakaaro i ngā whakaahua.

E pai ana koe ki te kaiwhakaako, ki te kaiwhakaatu rānei ko tāna he:

hoatu puka iti rānei, pukapuka rānei, pānuitanga rānei.

pātai me te whakautu rānei, he kauhau rānei, he whakawhitiwhiti kōrero ā-rōpū rānei, he tuku rānei mā tētahi manuhiri e kauhau.

mahi whakaaturanga rānei, he mahi tauira rānei, he tuku rānei kia mahi ngā kaiwhakauru

whakamahi rānei i te hoahoa, i te mahere rānei, i te kauwhata rānei.

E hiahia ana koe ki te ako i tētahi hōtaka hou rānei, i tētahi pūkenga hou rānei, i tētahi kēmu hou rānei o tō rorohiko. Ko tāu he:

whai i ngā hoahoa o roto i te pukapuka i tae mai i te taha.

whakamahi i ngā pūrere, i te papa pātuhi rānei.

pānui i ngā tohutohu i tae mai i te taha o te hōtaka.

whakawhitiwhiti kōrero me ētahi e mōhio ana ki te hōtaka.

Me kauhau koe ki tētahi huihuinga tangata, ki tētahi kaupapa whakahirahira rānei. Ko tāu he:

tuhituhi i ētahi kupu matua, he haratau anō hoki i tō kauhau mā te kōrero hoki atu, hoki atu.

hanga hoahoa, he tiki kauwhata rānei hei āwhina i a koe ki te whakamārama.

kohikohi i ngā tauira maha, i ngā kōrero maha e whai pānga ai, e whai hua ai te kauhau.

tuhituhi i te katoa i tō kauhau, he ako mā te pānui hoki atu, hoki atu.

Whakahokia ō mahara ki te wā i ako ai koe i tētahi mahi hou. Kaua e whakaaro ki ngā pūkenga ā-tinana, pēnei i te eke pahikara. Ko te huarahi ako pai ake ki a koe ko te:

pānui i ngā tohutohu ā-tuhituhi – pēnei i tētahi pukapuka ako, i tētahi pukapuka matua rānei.

whakarongo me te tuku pātai ki tētahi e whakamārama ana i te kaupapa.

mātakitaki i tētahi whakatauiratanga.

ki te hoahoa me te mahere – he tūwhiringa whakaahua.

E hiahia ana tētahi rōpū tūruhi ki te ako e pā ana ki ngā pāka, ki ngā papa atawhai kararehe rānei o tō rohe. Ko tāu he:

kōrero rānei, he whakarite kōrero rānei e pā ana ki ngā pāka, ki ngā papa atawhai kararehe rānei mā rātau.

hari i a rātau ki tētahi pāka, ki tētahi papa atawhai kararehe rānei me te hīkoi hoki i tō rātau taha.

whakaatu ki a rātau he pikitia ipurangi rānei, he whakaahua rānei, he pukapuka pikitia rānei.

hoatu ki a rātau tētahi pukapuka, tētahi pānui whakamārama e pā ana ki ngā pāka, ki ngā papa atawhai kararehe rānei.

E āwhina ana koe i tētahi e hiahia ana ki te haere ki te taunga waka-rererangi rānei, ki te taone rānei, ki te taunga tereina rānei. Ko tāu he:

tuhituhi i ngā tohutohu (ehara i te mahere).

tā, he hoatu rānei ki a ia tētahi mahere.

kōrero i ngā tohutohu ki a ia.

haere i tōna taha.

Hāunga te utu, he aha kē te mea e kawekawe ake ana i ō whakaaro ki te hoko i tētahi pukapuka pono?

He kōrero whai kiko, he wheako, he tauira anō hoki

He kōrero nā tētahi hoa nāna i tūtohu taua pukapuka.

He mātai tere i ētahi wāhanga o te pukapuka.

He pai te āhua.

Kua oti i a koe tētahi whakataetae, tētahi whakamātautau rānei, ā, e hiahia ana koe ki ētahi uruparetanga mai. Ko ngā uruparetanga e hiahia ana koe he:

whakatauiratanga nā ō mahi.

tuhinga e whakamārama ana i ō hua.

kōrero nā tētahi ki a koe.

kauwhata e whakaatu ana i ō whakatutukinga.

E pai ana ahau ki ngā tūranga ipuranga:

he hoahoa whakaongaonga whakaaro, he wāhanga ā-whatu hoki ōna

he tuhinga whakaahua e whakaongaonga ana i tō hinengaro, he rārangi, ā, he whakamārama anō hoki ōna

he hongere ā-rongo ōna kia taea ai e au te whakarongo ki te pūoro rānei, ki ngā hōtaka reo irirangi rānei, ki ngā uiuinga rānei.

e taea ana ōna wāhanga te pāwhiritia rānei, te nekehia rānei, te whakamātauria rānei.

E whiriwhiri kai ana koe i tētahi whare hoko kai, i tētahi whare hoko kawhe rānei. Ko tāu he:

whakarongo ki te hāwini, he tono rānei mā ō hoa ētahi whiriwhriringa e tūtohu

whiriwhiri i ngā whakamāramatanga o te rārangi kai.

whiriwhiri i te kai kua kainga kētia e koe i reira i tētahi wā o mua.

titiro ki ngā kai a ētahi atu, he titiro rānei ki ngā whakaahua o ia momo kai.

E whakamahi ana koe i te pukapuka rānei, i te kōpae rānei, i te tūranga ipurangi rānei kia ako ai koe ki te mahi whakaahua ki tō kāmera mati. E hiahia ana koe ki:

ētahi tohutohu mahuki kua tuhia, ki te rārangi, ki ētahi kōrero whakataki anō hoki ōna hei ārahi i a koe.

ētahi hoahoa e whakaatu ana i ngā mahi a tēnā wāhanga, a tēnā wāhanga o te kāmera.

te maha o ngā whakaahua pai me ngā whakaahua koretake kia mōhio ai koe me pēhea te whakapai ake i aua whakaahua koretake rā.

te whai wā ki te tuku pātai, ki te kōrero hoki mō te kāmera me ōna āhuatanga.

Ākuanei koe ka hoko i tētahi kāmera mati, i tētahi waea pūkoro rānei. Hāunga te utu, mā te aha e tino kawekawe ō whakaaro?

Mā te pānuitanga o ngā pitopito kōrero e pā ana ki ngā āhuatanga.

Mā te hou me te pai o te āhua.

Mā ngā whakamāramatanga a te kaihoko o ngā āhuatanga.

Mā te whakamātauranga.

Kua raruraru tō turi. E hiahia ana koe mā te tākuta e:

hoatu ki a koe tētahi wāhi pae-tukutuku, tētahi tuhinga rānei e pā ana ki te raruraru hei pānui mai māu.

whakaatu ki a koe tētahi hoahoa e tohu ana i te mate.

whakamahi tētahi tauira o te turi e whakaatu ana i te mate.

whakamārama he aha te mate.

Language: